游.花园

我的工作是致力于从字面上和实质上完全遵循那些规范我的法律、规章和道德准则。

呢个矮故事并唔系我亲身经历，是从我妈口中得知。至于我妈系点样知道，当然系去同人吹水的时候听返黎啦~

话说呢几年大搞旧城区改造，好多人被迫“发财”（楼市高位的时候得到拆迁补偿），当然旧城区亦有好多穷人，唯有选择回迁。响未可以回迁之前唯有去租房住，故事就系发生响回迁的两家住户身上。

呢两家人原本系隔离邻舍，感情好好，两家的小朋友在外读书，剩下两对夫妻。由于家境唔系太好，两家人于是在城郊合租了一个房子。（为左交待background已经写得太长，事关呢个故事本来就好简短。）

两家人住落唔耐，两个老婆分别同自己的老公讲“间屋好似唔系好干净喔，不如…”而两个老公都话“无啊~好好啊！ 有物野？” 但系“问题”越来越严重，两个太太见劝唔掂d老公，唯有搬返外家。由于签了两年的租约，刚住落无耐，走的话，全部的订金就无晒，so 老公坚持唔走，而且老公都无发现有物野异常。

呢一晚，两个男人如常响间屋里面睇电视、吹下水。两张长椅，中间放住一个茶几，屋里面的家私唔多。睇睇下，两个男人互望一下，大家神色有d怪，其中一个问另外一个“你有无听到门口好似有d声？”另一个唔知系咪强作镇定话“无啊”。其实两个人心里面都有d寒，其中一个快步行到门口，左右睇睇，又真系无人。呢个时候，两个男人都静晒，厅里面就系听到电视机的声。其实呢个时候大家都听到除左电视以外的一d“声”。

又过左一阵，其中一个话，不如关机训觉咯，另外一个即刻话“好”。唔知道点解，两个人同时望去位于两人中间的茶几上面的电视遥控器，正准备拿遥控关机。两个人四只眼望住个遥控器，遥控器好似比人好用力咁一扫，就响茶几上面飞左出去。

哇~~~ 吓到两个人O晒最，即刻各自入房训觉，第二日一早就执嘢走人。

古仔讲完。 其实故事里面的果间屋，虽然具体位置我唔知道，但系大概的位置都了解，我成日都会踩单车经过，又唔觉得有物野怪异。呢d故事之后肯定又系话间屋之前死过人啊，个“屋主”唔中意有外人响度住之类。